Confirmat haec egregiè μονόγραμμον aliud figurae 38 Thesauri hieroglyphici insertum, ubi è dextro Anubidis Crocodilo insistentis latere Ammonis arietino capiti hic character sub iunctus, nil aliud significat nisi has voces Coptas . Ammon Bonus Genius Deltae Nili, seu Aegypti; cùm omnes literae vocis in eo expressae cernantur. Unde non sine ratione Asterismum deltoton super caput Arietis, cui subiectam credebant Aegyptum, veteres Astrologi posuerunt. Verùm ne quicquam proprio ingenio confixisse, aut etiam vaga quadam coniectura affirmasse videamur, modò rationes singulorum dicemus, ubi tamen priùs dictorum characterum monogrammorum insitutionem, primamque originem recensuerimus. Ferunt prisci Aegyptiacarum rerum Scriptores Herodotus, Diodorus, Strabo, aliique, hanc inferiorem Aegypti partem mari olim tectam fuisse; Osiridem autem primum Aegypti Regem (quidam Herculem, alii Mercurium fuisse tradunt; sed perinde est, cùm uterque; cum Osiride passim confundatur) cum ex ingenti limi arenarumque; ex Aethiopia advectarum coacervatione Nili defluxu facta, hunc maris sinum nescio quid terrestre parturire cerneret; Nili aquis in alveos certos diductis, terram intermediam ab aquis separatam, habitatoribus non aptam tantùm, sed et
Page:Prodromus coptus sive aegyptiacus (1636).djvu/263
From GATE
Revision as of 11:13, 21 March 2018 by Lorenzo Mancini (talk | contribs) (ManciniWiki moved page Page:Prodromus coptus sive aegyptiacus (1636).pdf/263 to Page:Prodromus coptus sive aegyptiacus (1636).djvu/263: Text replacement - "(1636).pdf/" to "(1636).djvu/")
There was a problem when proofreading this page
![](/mediawiki/images/thumb/7/7c/Prodromus_coptus_sive_aegyptiacus_%281636%29.djvu/page263-1024px-Prodromus_coptus_sive_aegyptiacus_%281636%29.djvu.jpg)