ex postica parte habet mensem Septembris, qui applicatus Augusto continuabit; et sic de caeteris ordine mensibus idem judicium esto.
Poteramus totam hanc praxin in duabus regulis in sex menses divisis multo melius exhibere; sed cum Organum illarum capax non esset, sex tabellis dissectis uti coacti fuimus.
Ex hujus occasione inventionis ocurrit mihi admirabilis quidam modus, universam tum Computus Ecclesiastici, tum sphaerae doctrinam intra baculi vaginam ita condendi, ut quandocunque quis voluerit, in perpetuo annos dispositiones annorum, Solis et Lunae locum in zodiaco, et quidquid tandem primi Mobilis doctrinam concernit, sub unicum intuitum prodere queat. Forsan alio tempore Serenissimo Archiduchi Gladium Astronomicum simili modo apparatum transmittam. Sed et hanc doctrinam in circulos contortam exhibere nil facilius est, et nos docuimus id Libro secundo Artis Magneticae, in Astronomia Magnetica.
TRiplex tempus distinximus initio hujus Libri, Astronomicum, Politicum, Ecclesiasticum. Astronomicum est, quod a caelorum, et astrorum motibus, motuumqueDurationibus desumitur, et ab Astronomis consideratur, atque adhibetur. Politicum seu Civile est, quod ex Astronomico ad usum Civilis vita accomodatur
