Primo quaerito, in quem diem Pascha dato anno incidat; quod facile obtinebis beneficio Rotae quae Inventio Paschatis praenotatur. Verbi gratia, anno 1662 Pascha incidit in 9 Aprilis, juxta Rotae dispositionem. Quoniam vero Pascha fundamentum est omnium Mobilium Festorum, applica ad 9 diem Aprilis Tabulam alteram, quae insignitur Pascha, suo intervallo ad 9 diem Aprilis. Deinde mensium reliquorum Tabellas unam alteri in longum applica, juxta ordinem mensium ante vel post Pascha occurentium. Pari pacto applica pariter reliquas Tabellas Applicatorias, juxta ordinem temporum iis convenientem in longum, ita ut hae fex Tabellae Applicatoriae temporum perfecte sex mensium Tabellis in longum dispositis respondeant quam exactissime. Et hoc exacte peracto, vide in Tabellis Applicatoriis caeruleo colore tinctis, quibus diebus in Tabellis mensium respondeant tum Festa Mobilia, tum Dominicae: et hoc pacto unico intuitu videbis, in quem diem mensium incidant Festa Monilia, est Dominicae.
Hoc pacto anno 1662 applicata Tabella caerulea diei Pascathis ad 9 Aprilis, et reliquis ante et post Pascha in longum una alteri applicatis, videbis primo Dominicas ante et post Pascha, in quos dies incidant. Deinde videbis Ascensionem Domini incidere in 18 Maji, Pentecosten in 28 Maji, Corpus Domini in 8 Junii, Dominicam Adventus in 3 Decembris; diem vero Cinerum ante Pascha in 22 Februarii; et sic ordine Dominicae Quadragesimae, prout in Tabellis descriptae sunt, diem in quem incidunt, ostendent.
Si quis vero reliquos sex mentes, Julium, Augustum, Septembrem, Octobrem, Novembrem, Decembrem continuare velit, tunc fiet ut ope Tabellae Januarii ex cujus postica parte est descriptus mensis Julius, qui applicata Tabella mensis Junii continuabit menses. Sic Tabellae Februarii ex postica parte respondet mensis Augusti, quem applicabis fini mensis Julii; et Aprilis
