Page:Prodromus coptus sive aegyptiacus (1636).djvu/182

Frequens omino apud Coptitas est illud nomen Φτ Phtha, quod tamen, utrum idem sit cum illo Phtha antiquo Aegyptiorum Numine, cuius Iamblichus, Plutarchus, aliique; meminerunt, non immeritò quispiamdubitare posset. Sunt, qui ab ipsis Coptitis instructi hoc nomen Dei Φτ nequaquam expansum; sed abbreviatione contractum esse afferunt; nec legi debere Φτ Phtha; sed Phnutha, aut atque hi quidem aliam assertionis suae rationem non adducunt, nisi Pythagoricum illud ἀυτός ἔρα, auctoritatem videlicet Coptitarum praetendentes, à quibus id se didicisse, gloriantur. Verum cum hisce temporibus Sacerdotum Aegypti ruditas, et summa antiquitatum ignorantia, praetereà linguam Coptam perfectè callentium in Aegypto paucitas passim notissima sit, non video cur huiuscemodi imperitis hominibus in hac maxima vetustatis caligine.