f. 239v
quandocumque aliquid terrenum, siue uerbum, siue factum, spiritum tuum attingit; idque siue sit ad gaudium humanum, siue ad uanam tristitiam. Hic coepit in me desiderium proficiendi circa misterium ascensionis Domini, cum quo ascendente nos ab omnibus terrenis eleuamur, nunc quidem in spiritu, tandem uero etiam in corpore et secundum sensus externos. 164
433. In die apparitionis sancti Michaelis archangeli ‘ ego appuli ad oppidum Madrid, ueniens ex Vallisoleto ■, ut amicos quosdam in Xpo, et dominos uisitarem. In uia hac multa mihi occurrerunt ad eruditionem cuiusdam uiri senis ex eorum officio, quos hispani sua lingua uocant remeros**. Datum est quoque consolari quamdam mulierem multis modis desolatam, quae sese totam mihi aperuit. In diuersoriis semper dabatur spiritus ad aedificandum in doctrina
_______________
