Page:Organum mathematicum libris IX. explicatum (1668).djvu/869

§. I.

Regulae servandae circa seminationem, plantationem aliaque ad agriculturam spectantia. Aiunt, Saturnum dominari agriculturae, ideoque eligendam constitutionem eius optimam, quando nempe est in aspectu benefico cum Iove, vel Venere, a quibus cultura terrae iuvari dicitur; & quando ipse Saturnus est bene dispositus, non retrogradus, non peregrinus, non combustus, si fieri potest, sed vel in aliqua suarum dignitatum, vel in bono aspectu Lunae, liber a radiis Martis, qui deberet esse debilis, cadens, peregrinus, combustus, nec potens. In particulari vero praescribunt sequentes regulas.
1. Seminatio fiat Luna aucta motu in Signis mobilibus , , , , vel in , , , in aspectu benefico Saturni. Et si terra sit humida, vel humidum semen injiciendum, Luna reperiatur ante coniunctionem decrescens in , , . Si vero terra sit arida, vel aridum semen, Luna sit crescente in , , aucta motu, cum dicto aspectu Saturni, quae sicut Saturnus cum Jove aut Venere sit configurata. Si terra fuerit inter humidam et aridam media, Luna reperiatur in . Sed quis agricolarum haec scit, aut servat?
2. Plantatio fiat, Luna existente coniuncta Saturno, vel in eius aspectu, libera a corpore et radiis Martis, in Signis fixis , , , cum aspectu Veneris vel Iovis benefico.
3. Plantatio arborum & vinearum, sicut et fossio fiat, ascendente Signo fixo, & Luna existente in Signis terreis , , , cum aspectu Saturni. In Signis aqueis in fausta est, ob humorum vim suffocativam.
4. Insitio arborum, et putatio fiat, Luna decrescente in … praesertim, configurata vel .
5. Hortorum cultivatio fiat, Luna in , vel in , quae sunt dignitates Saturni.
6. Agrorum cultura fiat a coniunctione Luminarium usque ad oppositionem.

◅▻