This page has not been proofread
f. 91r
ac omnibus modis nitentibus, ut melius capiamus uerba sancta, et illa capiant in nobis radices suas, et uirtutem suam seminalem imprimant. Verbum etenim quodcumque, de ore Dei procedens, uerum Dei semen est, Deum ipsum quodammodo, quantum ex se est, in nobis producens ac generans.
Circa horas canonicas [desiderabam] ut ibi possem crescere, et eo magis quo magis accedebam 53 ad finem, ego considerabam quo pacto Xpus. quo magis accedebat ad finem uitae suae, eo amplius patiebatur, et maiora tormenta ei inferebantur; pro-pterea hoc sentiebam: oportere crescere in deuotione horarum, ita ut cum peruentum tuerit ad horam Nonae, sentiri possit uis ipsius mortis et expirationis Jesu Xpi., quae hora nona accidit.
_______________
