Rejice septenarios ex 26, remanent 5. Incipe ergo a littera initiali Januarii, quae est A, numerare ordine directo quinque litteras Alphabeti sic, A, B, C, D, E. Ergo littera E, in qua terminatur ultima unitas quinarii, est praefixa diei 26 Januarii.
EXEMPLUM II. Vis scire litteram praefixam diei 23 Februarii. Rejice ter septem ex 23, remanent 2. Littera initialisFebruarii est D. Incipe ergo a D, et numera duas litteras Alphabeti, sic, D, E. Haec est praefixa dicto diei 23.
Ratio Regulae. Cum septem litterae Dominicales in quolibet mense dispositae sint ordine naturali per omnes mensis dies, necessario sequitur , post septem , ab initio mensis inchoando, rejectos,semper redire illam, quae initio mensis praefixa fuit. Si ergo ab hac inchoando numerantur tot adhuc ordine naturali, quot unitates continet residuum,post abjectionem septenarii aut septenariorum, necessario ultima unitas cadit in litteram quaesitam, illam nimirum, quae diei dato praefixa est.
QUaere litteram dato diei dati mensis praefixam, per Regulam praeacedentis simbolo che non ho. Quaere quoque litteram Domintcalem (e’ giusto?) proposito anno currentem. Huic tribue Feriam primam,sequenti Feriam secundam, tertiae tertiam, et sic deinceps usque ad litteram dato diei praefixam. Feria,quae huic competit, est illa,quae quaeritur.
EXEMPLUM I. Vis scire, in quam Feriam cadat dies 20 mensis Maij anno 1665 in Calendario veteri. Littera Dominicalis dicto anno currens est A, littera 20 Maij praefixa est G. Haec est septima ad A. Cadit ergo dies 20 Maij in Feriam 7.
EXEMPLUM II. Vis quoque scire,in quam Feriam cadat idem 20 dies Maij ejusdem anni 1665 in Calendario novo. Littera Dominicalis est D, littera dicto diei praefixa est G. Numera a D usque ad G litteras sic, D, E, F, G. Quoniam igitur littera G est
