f. 25v
petebam vt dignaretur esse mihi in dominum, et efficere gratia 20 sua vt ego deinceps sim ipsi in seru[u]m cum omni timore. A Spiritu Sancto ego petebam vt ipse esset mihi in magistrum docens me esse discipulum. Pro his autem impetrandis cum magna deuotione implorabam auxilium et intercessionem electae filiae Dei Patris, ancillae Ihesu Christi ac Matris, et discipulae Spiritus Sancti, quae fuit virgo Maria, cui facile est apud Deum impetrare omnia supradicta.
Desiderabam etiam vt ipsa me doceret verum modum essendi filium, seruum et discipulum ad ipsius exemplum, et quia etiam ipsa scit quomodo lesus Christus fuerit suus filius, seruus et discipulus, scit etiam quomodo fuerit humilis, talisque qualem con-uenit esse in quolibet trium modorum dictorum essendi.
41. Item, extendendo ulterius hanc materiam, cognoui
_______________
