aptissime praestari poste per unam aliquam litteram in ipsa scriptione usitatam, certis intervallis solum, nec alibi in Epistolae contextu repetita, quae unica omnium omnino litterarum in secreto, quod amico significandum est, occurrentium veces et valorem obtineat; cujus praxin mox subnetam.
&. II
Requisita ad Cryptographiam novam.
Habeantur duae lamellae longitudinis cujusvis, tantae tamen, ut, si dividantur secundum longitudinem in 23 aut 24 partes aequales, singulae particulae habeant aliquam extensionem. Sit ergo exempli gratia longitudo lamellae A B, quae, ut dictum, pro numero litterarum Alphabeti cujusque linguae dividatur, veluti pro Latina in partes 23, pro Germanica in partes 24 (relicto tamen ante principium divisionis spatio aliquo, quod duabus aut tribus partibus aequivaleat, ob finem quem prasi ostendet) quarum singulis una aliqua Alphabeti littera inscribatur, aut insculpatur. Commodius autem erit, si singulae lamellarum particulae ab una parte in cuspides limentur, quarum acumen medio cujusque cellulae correspondeat; serviet enim idipsum ad loca litterae cryptographicae facilius invenienda. Harum lamellarum altera Amico secreti conscio seu tradidiscenti, seu transmitti absenti potes. Cum quo etiam conventiri debet de littera secretorum deinceps inter illas occurrentium indice futura; quam vel certam principio stati et pro omni vice Scritionis possunt assumere, vel certe generaliter duntaxat illam determinare, quae prima, secunda, tertia et caetera, erit in primo verbo Epistolae transmittendae; id quod multo erit convenientius: hac enim ratione in omni Epistola alia littera cryptographica ad cujusque libitum uti licebit, neque naturali industria erit unquam possibile ab alio, praeterquam conscio, in secreti notitiam deveniri, Hactenus praeliminaria praxeos; nun ad ipsam operationem accedamus.
