est, Aureum numerum tunc currentem esse 19. Si autem nihil remanet, Aureus numerus est 1, quia unitas addita ad 0, facit 1.
POtest inveniri Aureus numerus per Tabulas temporarias, et per Tabulas perpetuas. Perpetuas voco, quae a primo anno Christi incipiunt, et in perpetua tempora durant. Temporarias voco, quae a certo termino annorum Christi incipiunt, v. g. ab anno 1660, aut ab alio quovis, sive ante, sive post Calendarii correctionem. A quocunque tamen anno incipiant, possunt esse perpetuae quoad futura tempora, uti patebit.
EX hac Tabella Aureum numerum quovis anno proposito sic invenies. In columna superiore quaere annum Christi propositum, tribuendo primae cellulae primum annum, secundae secundum, tertiae tertium, et ita deinceps consequenter, donec ad annum, cujus Aureum numerum quaeris, pervenias, redeundo ad principium Tabellae, quotiescunque eam percurreris. In columna secunda, sub cellula, in quam annus propositus cadit, invenies Aureum numerum quaesitum. Praxis facilis est, nec indiget explicatione per Exemplum.
Sed quoniam, si annus propositus procul distat a primo anno Christi, valde molestum est, tot annos in prima columna enumerare, eamque toties percurrere, redeundo semper ad initium, donec ad annum, cujus Aureus numerus quaeritur, perveniatur
