TEmpus Politicum Lunare dividitur in dies, hebdomadas, menses, annos. De singulis aliquid dicemus.
Annus Politicus Lunaris duplex est, Communis, et Embolismaeus seu Embolismicus. Communis habet dies plerumque 354, raro 353; quorum ille plenus, hic cavus seu deficiens appellari solet. Deficit itaque uterque a Solari anno; plenus quidem diebus II, cavus vero diebus 12, Embolismicus habet plerumque dies 384, raro 383. Et prior quidem plenus, posterior vero cavus eodem modo dicitur; quorum ille Solarem excedit diebus 19, hic 18.
Annus Lunaris communis habet Lunationes Politicas 12, Embolismicus 13. Una Lunatio Politica habet alterne modo 30, modo 29 dies integros, ut, quantum fieri potest, Lunaris annus Politicus cum Astronomico congruat, cujus Lunationes mediae sunt dierum 29, horarum 12, minutorum 44.3. circiter, ut supra diximus. Unde cum mensis decimus tertius in anno Embolismaeo est dierum 29 tantum, annus ille est dierum 383; cum vero est dierum 30, annus habet dies 384.
CAjus Julius Caesar, Romani Imperii Monarchia primus, simulque sacrorum supremus Antistes, omnes anni totius Solaris Politici, ase reformati ac ordinati, dies distribuit, ut diximus Capite praecedenti §.2. in duodecim Menses, initio facto a Januario, cujus initium voluit et anni initium esse. Mensibus aliis tribuit dies 30, aliis 31, Februario vero vel 28 in anno communi, vel 29 in anno bissextili, ut ibidem diximus.
Omnium Mensium dies primos vocarunt Antiqui Calendas, quintos aut septimos Nonas, decimos tertios aut decimos quintos Idus; reliquos vero dies retrogrado ordine a Nonis, Idibus, et Calendis denominarunt. Nonae in Martio, Majo, Julio, et Octobri
