Primo. Rejice omnibus addendis novem, quoties potes, reputando singulas figuras pro monadicis, hoc est, ac si unitates significarent; residuum pone ante crucem. Secundo, rejice ex summa inventa similiter novem, quoties potes, et residuum pone post crucem. Si ambo residua fuerint aequalia, probabile est, Additionem fuisse rite peractam; sin minus, erratum est. Examina hac ratione omnia praecentia exempla, et invenies residua ante et post crucem singulis adscripta.
Potest etiam Additio examinari per Subtractionem, de qua capite sequenti. Nam si duae tantum numerorum series sunt additae, et una subtrahatura a summa inventa; debet remanere residuum aequale alteri seriei. Si veri plures sunt additae, et una subtrahatur ex summa, reliquae vero colligantur in unam summam; debet hac esse aequalis residuo ex Subtractione, alioquin certissime erratum est.
Modus primus Examinis praedicti fundatur in axiomate illo, quod totum sita equale omnibus suis partibus simul sumptis; et quod si ab aequalibus auferantur aequalia, remaneant aequalia. Quoniam igitur summa totum quoddam est, et numeri addendi eius partes; si his illa aequalis est, bona fuit operatio; sin minus, erratum fuit. Deprehenditur aequalitas, si utrimque auferrantur aequalia (quod sit, auferendo novem, vel etiam septem) et residua sint aequalia.
