Page:FC 1042.djvu/21

. ut omnes poetas et auctores quos interpretabatur faceret evangelicos; omnia .n. applicabat ad aedificationem iuventutis in timore domini sancto et casto, locus autem ubi sepultus iacet vocatur Roche, tribus distans leucis a pago, ubi natus sum cui nomen, Villaxeto in magno Bornando in episcopatu dioecesis Gebenem , quae tota tunc erat satis catolica.
Doctrina et exemplo huius praeceptoris crescebamus omnes eius discipuli in timore domini, et ita cum essem circiter annos duodecim habui quosdam spiritus impulsus ad offerendum me servitio Dei, veni quadam die ualde laetus in quendam a Id est, catholico agrum (erat enim uacationis tempus), exercebamque aliquando pastoris officium, cum, inquam, tunc haberem magnum desyderium puritatis, promisi Domino castitatem in aeternum. O misericordiam Dei, qui ambulabas mecum, et me ex tunc volebas apprehendere, quare