Page:EBC 1611 08 23 1090.pdf/2

scrupulose dubitaret? Ego, ad meam personam quod concernit, firmiter credo et nullatenus dubito, speroque me in tali haeretico loco amplissimam habiturum facultatem et divinae gloriae, catholicaeque ecclesiae quam maxime augendae atque amplifioandae et haereseon impietatisque longe lateque propulsandae et extirpandae et animarum fallacibus hamis inescatarum liberandarum, lucrifaciendarumque, Denique de maximis humani generis utilitatibus quam longissime ac prolixissime promerendi; quod votum meum ut V.tra Celsitudo tanquam verus meus Moecenas voto suo comprobare, Summoque Pontifici cum aliquo insigni suae benevolentiae indicio commendare velit, per sanctam crucem Domini nostri et vivifica ipsius vulnera ardentissime precor. Dominus noster lesus Christus sublimitatem vestram diu nobis servet incolumem omnibusque rebus bonis, et sanctis operibus eximie florentem. Vale Ill.me mi D.ne Cardinalis meque nominis tui observantissimum tuo patrocinio nunquam destitue. Datum Spirae 23 Augusti.Anno 1611.
R.mae et Ill.mae V.trae Celsitudinis
Humillimus Servus
Iohannes a Reck Marianus
Quanto tocca alle spese per l'espeditione delle bolle io ne ho dato ordine a un prete di nostra Signora di l'Anima, chi pagherà tutta la cosa al Signor Giovanni Borgio doppo l'espeditione, con buon.ma satisfattione.
Reverendissimo et Ill.mo Domino Roberto Bellarminio S.R.E.Cardinali. Domino et patrono meo observantissimo.
Franco per Romam.
Mantoa