Page:EBC 1611 08 23 1090.pdf/1

From GATE
This page has been proofread

Rever.me et Ill.me D.ne Cardinalis.
Literas meas observantissimo et optimo animo a me 7.ma huius mensis Augusti in civitate Spirensi exaratas Rever.mae V.trae Celsitudini debito et iusto tempore exhibitas fuisse certa fiducia confido: reddidi in iis tempestive satis Ill.mam V.tram Celsitudinem certiorem de vacatione beneficii ecclesiastici per obitum viri haeretici circa finem iulii demortui, quo beneficio ceu canonicatu ut ego per intercessionem R.mae et Ill.mae V.trae Celsitudinis a Beatissimo Dno nostro Patre apostolico providerer unice itidem indictis literis precabar, omnibusque desideriis expetebam; Ast ehau moerorem et tristitiam maximam incutit iniquissima quorundam hominum machinatio, nulla vel minima iustitia vel iustitiae specie suffulta, sed omni ex parte astutissima malitia et lucri cupiditate redundans; nomen enim defuncti diligentia summa adhibita experiri nequivi, cum valde secreto D.Iohanni Borgio Rom.curiae solecitatori impetratio pro alio absente, catholicone dubito, fuerit interposita; imo quod maiori dolore me afficit erravi in nomine ipsius ecclesiae certissima persuasione inductus, vacare canonicatum in cathedrali ecclesia Ralberstadensi; iam vero meliori informatione certioratus in Magdeburgensi cathedrali percipio. Verum enimvero consolatur me quod filii huius saeculi prudentiores sint filiis lucis, iterumque me animavit, inque spem erexit R.mus et Ill.mus D.nus Antonius Sanctae Sedia apostolicae ad partes inferiores Rhenique tractum legatus a latere, qui ante plusculos dies se meam personam apud Summum Pontificem ideo recommendaturum, mihi literis significavit suis. Quare etiam V.tram Celsitudinem summis mais precibus obnixe rogatam volo, ut singulari illa qua erga me propensus amore causam meam apud eundem Summum ecclesiae catholicae pastorem promovere haud dedignetur, quum res adhuc sit integra, bullaeque nondum expeditae; imo quare beatissimus pater priorem gratiam, si quae facta esset, revocare digniorique conferre non possit, quia catholicorum
---page break---