NIG. -Simulacra quondam culta, nunc tantum premit
calcatque vulgus; mente meliore sagax
atollit aula. Credite, incauto dolo
pietas iuuentam spineum per iter rapit.
Colite paterna signa dum primo tepet
calore sanguis; frigido torpet gelu
iners senectus nullius gaudii capax.
CHO.1us -Adhuc voluptas mollibus ridet genis. [1]
CHO.3us -Blanditur ore Pluto. CHO.1us -Sublimes Honor
molitur ausus. NIG. -Pergite beati, suum
sibi quisque numen patrio ritu legat;
aurea resurgent saecla. CHO.3us -Mihi Pluto placet.
CHO.2us -Mihi Voluptas perplacet. CHO.1us -Et Honor mihi.
NIG. -Suum celebret quisque iam laetus deum,
chorisque plaudat. CHO.4us -Plectra tu fidicen move
et tange Phrygios pectine citato modos.
CHO.1us-Ioci beati! Mille suspendunt trabes
dulces vetantem vividae aetati iocos.
MUD. -Impostor unus obstat et spolio latet
fallax ovino. CHO.4us -Dira lanietur fera.
CHO.3us -Dolosa pereat bellua. CHO.1us -Necetur lupus.
MUD. -Loyola prohibet. CHO.3us -Iuro nocturnum Iovem
Loyola telo concidet stratus meo.
CHO.2us -Mea peribit dexterâ. CHO.1us -Occumbet meac.
MUD. -Ille tenebrosas vellet in latebras agi
tristem iuventam, ferreo urgeri iugo,
macie necari, pondere laboris premi,
pallere studiis, tristibus tundi flagris.
Blandi tyrannus otii, durus Cato,
censor superbus, puberum inmanis Nero
- ↑ * Sex tripudiantur duo ad singulas statuas peracto tripudio