uiuorum et mortuorum. Adora anima mea Patrem coelestem honorando
ipsum semper ei omnibus uirtutibus tuis, seruiendo totaque sapientia tua et uoluntate qui suo benedicto amore tam misericorditer te adiuuat et fortificat. Adora redemptorem tuum dominum
nostrum Iesvm Christum qui tanquam vera Via, Veritas et Vita sua
sola gratia te docet et illuminat. Adora personam tui glorificatoris Spiritus Sancti paracliti, qui sua[1] communicatione disponit corpus, animam, et spiritum tuum, ut sis mundus, rectus et bonus in omnibus.
Anno .1542. in octaua Corporis Christi domini nostri habui quoddam notabile desiderium faciendi deinceps quod[2] sola negligentia et pigritia omiseram s.[3] scribendi in gratiam memoriae aliqua spiritualia ex his, quae dominus dederit, siue ea sint ad orandum melius, siue ad contemplandum, siue ad intelligendum
