PRima. Tum in cantu duro,tum in b molli,nunquam ponitur b molle, nisi in primo tono cantus duri in Genere Diatonico; in Basi quidem toties,quoties tota tangit lineam b Fa b Mi; quoties vero Bassus percurrit G, toties reliquarum Vocum una habebit b Fa b molle.
Secunda. In cantu vero molli in Basso exra bFab Mi ordinarie ponitur b molle in secundo tono in E;in reliquis vero Vocibus, Basso constituto in C, b molle ponitur semper in E.
Melopoeia ordinaria Contrapuncti simplicis.
Quid sit Contrapunctus Musicus, tam simplex, quam floridus, et coloratus, explicavimus Cap. 5.§. 7. Nunc praxin tradimus simplicem melothetice componendi, hoc est, vocem voci per notarum alterius ad alteram appositionem artificiose jungendi, idque per solas consonantias simplices, methodo ordinaria ab aliis Musurgis observaris solita.
SImplices consonantias voco tertiam, quintam, et octavam, quae aliis nominibus vocantur Ditonus, Diapente, et Diapason. Has ut Basi notis superstruas in tribus reliquis Vocibus, Cantu, Alto, et Tenore; sic procede.
I. In Palimpsesto forma quatuor Pentagramma; et Bassi Pentagrammum nota juxta Toni electi exigentiam. Deinde reliquarum Vocum Pentagramma signa eo modo, quem Bassi signatura
