Difference between revisions of "Page:De scriptoribus ecclesiasticis liber unus (1613).pdf/235"
Header (noinclude): | Header (noinclude): | ||
Line 1: | Line 1: | ||
+ | <references/> {{TurnPage}} | ||
+ | <br> | ||
+ | <small> | ||
+ | <p style="float:left"> | ||
+ | <i>Ab anno Domini 1300 ad 1400</i></p> | ||
+ | <p style="float:right"><span style="color:Red"> | ||
+ | p. 217 | ||
+ | </span></p> | ||
+ | </small> | ||
+ | <br> |
Revision as of 00:13, 2 June 2020
Ab anno Domini 1300 ad 1400
p. 217
Scripsit horologium sapientiae.
Librum de nouem rupibus.
Meditationes de passione Domini & alia. Viuebat anno 1340.
De Roberto Holkoth – 1349
Robertus Holkoth, natione Anglus, professione Dominicanus, scripsit in librum Sapientiae lectiones 213.
Item lecturam in Cantica canticorum & in septem priora capita Ecclesiastici.
Scripsit etiam Commentaria in quatuor libros Magistri sententiarum & alia quaedam. Cloruit circa annum Dom. 1349.
De Thoma Argentinensi – 1350
Thomas de Argentina, natione Germanus, ordinis sancti Augustini prior generalis, vixit tempore Clementis VI & Innocentii VI & obiit Viennae anno 1357.
Scripsit Commentaria in Magistri sententiarum libros.
Scripsit etiam quaestionum e sacris scripturis solutiones.
Sermones & epistolas & librum Meditationum.
De Nicolao Cabasila – 1350
Nicolaus Cabasilas Graecus, vixit tempore Io. Cantacuzeni Imperatoris, vel potius Tranni. Fuit vir valde doctus & archiepiscopus Thessalonicensis, sed schismaticus. Scripsit tomos sex de vita in Christo, qui Latine impressi sunt Ingolstadii. Extant etiam libri de tribus Sacramentis, baptismo, unctione & eucharistia, impressi ibidem. Extat explicatio liturgiae apud Bignaeum in bibliotheca patrum tomo 6 edit. 2 ex qua caput 29 & 30 omnino expungenda essent, vel cautissime legenda. Denique praeter alia multa scripsit de processione Spiritus sancti contra Latinos, ubi se hostem ecclesiae aperte demonstrat. Sed hunc librum impressum non vidi.
De Gregorio Ariminensi – 1350
Gregorius Ariminensis, aequalis fuit Thomae Argentinensis & eiusdem ordinis S. Augustini prior generalis. Scripsit commentarium in primum & secundum librum magistri sententiarum. Scripsit etiam in epistolas S. Pauli & in epistolam S. Iacobi.