Difference between revisions of "Page:De scriptoribus ecclesiasticis liber unus (1613).pdf/133"
| Header (noinclude): | Header (noinclude): | ||
| Line 5: | Line 5: | ||
<p style="float:left"> | <p style="float:left"> | ||
<i>Ab anno Domini 400 ad 500</i></p> | <i>Ab anno Domini 400 ad 500</i></p> | ||
| − | <p style="float:right"><span style="color: | + | <p style="float:right"> |
| + | <span style="color:Blue"> | ||
p. 115 | p. 115 | ||
</span></p> | </span></p> | ||
</small> | </small> | ||
<br> | <br> | ||
Latest revision as of 10:11, 17 July 2020
Ab anno Domini 400 ad 500
p. 115
Commentaria in omnes Psalmos Dauidis.
Commentaria in Cantica canticorum Salomonis.
Comentaria in omnes prophetas excepto Isaia.
Commentaria in cantica Mosis, Annae, Habachuc, Isaiae, Ezechiae, trium puerorum, virginis Mariae, Zachariae & Simeonis.
Tomi secundi:
Commentaria in omnes epistolas B. Pauli.
Historiae Ecclesiasticae a Constantino usque ad Theodosium iuniorem libri quinque.
Addit Gennadius continuasse Historiam usque ad Leonem imperatorem quinque aliis libris adiunctis, sed hi posteriores libri non extant.
Dialogorum libri tres.
De haereticis fabulis libri quatuor, quibus addidit epitomen diuinorum decretorum.
Historia sanctorum Patrum, quam religiosam vocat.
De prouidentia, sermones decem.
De curandis Graecorum affectionibus, lib. 12.
Denique epistola ad sanctum Leonem papam & altera ad Sixtum presbyterum Romanum & Oratio de dilectione valde insignis.
Obseruatio:
Multo plura scripsit Theodoretus, vir plane doctissimus, atque inter alia meminit Gennadius in libro De viris illustribus librorum Theodoreti fortissimorum contra Eutychem & Dioscorum.
Scripsit etiam nonnulla contra sanctum Cyrillum, quae extant inter opera sancti Cyrilli, sed in quinta synodo generali damnata sunt, una cum scriptis Theodori Mopsuesteni, quem idem Theodoretus mirifice laudat libro quinto extremo suae Historiae.
Extat denique in quinta synodo Act. 5 epistola Theodoreti ad Ioannem Antiochenum de obitu Cyrilli, sed ea epistola, non solum falsitatis arguitur, quia constat Ioannem Antiochenum obiisse ante Cyrillum, sed etiam indigna est, quae Theodoreto, aut cuiuis christiano attribuatur.
[135.]
De Proclo episcopo Constantinopolitano – 430
Proclus espiscopus Constantinopolitanus sancti Cyrlli aequalis, cuius magno cum honore meminit idem sanctus Cyrillus Expositione symboli Nicaeni & in epistola 31 ad Ioannem Antiochenum.
Scripsit epistolam valde celebrem de fide ad Armenos, quae extat in Bibliotheca sanctorum Patrum, tomo 3 & nuper excusa est Graece & Latine, in primo tomo Conciliorum generalium Romae typis mandatorum, &
