Page:Prodromus coptus sive aegyptiacus (1636).djvu/125

sensibus ac iustae proceritatis homine remoti videantur. De his vide quoque Olaum Magnum, qui eos Screlingers, hoc est cubitales appellat. Certe meminerunt huiusmodi monstrorum Authores Gravissimi, Aristoteles, Plut. Ctesias, Plinius, ac proinde ea aliquando visa esse uti non facile negavero; ita homines eos veros fuisse non facile asservero, cum in hunc diem metallorum fossoribus huiusmodi monstrorum genus in profundioribus Terrae regionibus, quos daemonculos Montanos passim vocant, comparere soleat de quius ita Georgius Agricola sol. ult. de animal. subter. Sunt denique mites quidam daemones, quos Germanorum alii, ut etiam Graeci vocant Cobalos; quod hominum sunt imitatores. Nam quasi laetitia gestientes rident, multa videntur facere, quum prorsus nihil faciant. Alii nominant virunculos montanos, significantes staturam, qua plerunque sunt, nempe, Nani tres dodrantes longi. Videntur autem esse Seneciones, et vestiti more Metallicorum, id est vittato indusio, et corio circum lumbos dependente induti. Hi damnum dare non solent Metallicis; sed vagantur in puteis, et cuniculis: et quum nil agant, in omni laborum genere se exercere videntur; quasi modo fodiant venas, modo in vasa infundant id, quod effossum est: modo versent machinam tractoriam. Quanquam

◅▻