Difference between revisions of "Page:Prodromus coptus sive aegyptiacus (1636).djvu/76"
m (ManciniWiki moved page Page:Prodromus coptus sive aegyptiacus (1636).pdf/76 to Page:Prodromus coptus sive aegyptiacus (1636).djvu/76: Text replacement - "(1636).pdf/" to "(1636).djvu/") |
|
(No difference)
| |
Revision as of 10:13, 21 March 2018
De Coloniis Ecclesiae Copto-Aethiopicae in alias mundi partes traductis.
Recensitis iis, quae de ritibus, et cerimoniis Ecclesiasticis Ecclesiae Copto-Aethiopicae usitatis dicenda occurebant, dubium modo non leve occurrit, utrum videlicet praedicta Ecclesia alia quapiam praeter memorats linguas, in sacris suis sit usa? an non: dubium movent notae marginales Codicum tum Aegyptiorum, tum Aethiopum, quas antiquo illo charactere Syriaco, quem Estrangelo vocant, passim conscriptas reperio; An illud forsitan, quo e Syria in Aegyptum, et Aethiopiam, utpote confines regiones traductae Coloniae, et linguae Syrae, et characterum fuerunt traditrices? certe argumenta quamplurima coniecturae factae veritatem comprobare videntur.
At primo quidem ipsa Ethiopica lingua, quae si pauca excerperis, Syrae, vel Chaldaeae (confunduntur enim hae duae linguae passim ab Authoribus) prorsus affinis est. Deinde monimenta varia, et Codices dicto charactere conscripti
