Difference between revisions of "Page:Organum mathematicum libris IX. explicatum (1668).djvu/868"
From GATE
(No difference)
|
Revision as of 18:07, 24 October 2021
This page has been proofread
Ex enumeratis Aphorismis paucos solum enumerat Auctor Organi in facie quarta columnarum Loculamenti septimi, & sunt sequentes.
Explicantur columna seu facies quinta & sexta Tabellarum secunda Classis, pertinentes ad seminationem, plantationem, & lignorum caesuram.
Herbas, plantas, arbores, & quaecunque vegetabilis Mundus producit, ortum suum, incrementum, decrementumque sumere non solum a Sole, sed etiam a Luna, eaque crescente augeri, decrescente minui eorum humores, vel rusticis notum est. Non temere ergo seminandum, plantandum, putandum. Regulas varias varii praescribunt. Praeter eas, quas habet Auctor Organi in facie quinta & sexta Tabellarum, secundae Classis, servari possunt sequentes.