Page:De scriptoribus ecclesiasticis liber unus (1613).pdf/195

◅▻

Ab anno Domini 1100 ad 1200

p. 177

Ordo tertius operum dubiorum.

Ad fratres de monte Dei.
Meditationes.
De interiori domo.
De ordine vitae.
De scala claustralium.
Formula honestae vitae.
Speculum monachorum.
Sermones varii.
Liber de conscientia.
Descriptio Clarae vallis.
Lamentatio virginis Mariae.
Doctrina sancti Bernardi.
Homilia de exeuntibus in Emmaus.
De amore Dei.
De natura & dignitate diuini amoris.
Sermo de passione Domini.
Tractatus de passione Domini.
Rhetorica sancti Bernardi.
De modo bene viuendi ad sororem suam.
De conscientia.
Sermones de diuersis argumentis, 15.
Super Salue regina.
Epistola ad quendam, qua docetur, quid a nobis requirat Deus.
De oneribus sermones, 11.

Obseruatio prima:
Inter opera secundi ordinis est Sermo de natiuitate B. Mariae, qui non est, ut multi existimant, de natiuitate ex sancta Anna matre sua in hunc mundum, sed de natiuitate per dormitionem mortis, in caelum, quo modo dicuntur natalitia aliorum omnium sanctorum. Id ex contextu facile potest intelligi, haec enim sunt prima verba: »Foecundae virginis amplectitur caelum praesentiam, terra memoriam veneratur«, &c.
In eodem ordine est Sermo breuissimus de beata Virgine post sermonem quintum de Assumptione, sed ille ex sermonibus paruis est secundus, & inde huc sine causa translatus & fortasse non est sancti Bernardi, cum auctor eius sermonis dicat, se carere virginitate, & ex primo libro, cap. 3 Vitae sancti Bernardi probabiliter colligatur, eum virginem fuisse.

◅▻