Editing Page:Organum mathematicum libris IX. explicatum (1668).djvu/542

cadunt supra digitos depressos, habent dies 30, excepto Februario, qui in anno communi habet dies 28, in anno bissextili dies 29.<br>
<center>''Versus memoriales hi sunt.''</center>
<center>Junius, Aprilis, Septembre, Novemque tricenos;
Unum addes reliquis; viginti Februus octo;
Cui, si bissextus fuerit, superadditur unus.</center>
''<center>Item hi alii.</center>''
<center>Terdenos September habet, totidemque November,
Junius, Aprilis; reliquis superadditur unus.
Sit nisi bissextus, vicenos Februus octo.</center><br>
<center>REGULA XI.</center>
''<center>Feriam utriusque Calendarii quovis anni propositi die dato invenire.</center>''
MUltis modis per Arithmeticas operationes, nec non per Tabulas, sciri potest, quaenam sit Feria septimanae, quivis dati cujuscunque anni dies, tam in Calendario veteri, quam in novo. Ego, omissis aliis, unicam praescribo per Arithmeticam, primo quidem pro Calendario veteri, deinde pro novo.<br>
<center>''Modus unicus, Per Arithmeticam.''
Pro Calendario veteri.</center>
''ASumma annorum Christi completorum, bissextorum ab ejus ortu elapsorum, et dierum anni currentis a primo Januarii usque ad diem datum, subtrahe unitatem; residuum divide per 7; eritque, quod restat, index Feriae quaesitae. Si nihil restat, erit Feria 7, sive Sabbathum.''<br>
EXEMPLUM. Vis scire, in quam Feriam inciderit dies 15 Augusti. Anni Christi 1665. Anni Christi completi sunt 1664, bissexti ab ejusdem ortu elapsi sunt 416, dies ab initio anni usque ad 15 Augusti elapsi sunt 227; summa omnium horum numerorum,