Editing Page:Organum mathematicum libris IX. explicatum (1668).djvu/482

''<center>Modus secundus, Per Tabulam.</center>'' 
CUm anno centesimo proposito majore, quam 1600, ingredere praesentem Tabellam, et in prima cella colloca annum 1700, in secunda 1800, in tertia 1900, in quarta 2000, rursus in prima 2100, et sic porro, donec pervenias ad annum centesimus propositum: qui si cadat in primam cellam, est primus communis post ultimum centesimum bissextilem; si in secundam, est secundus communis; si in tertiam, est tertius communis; si in quartam, est bissextilis.<br>
EXEMPLUM. Sit propositus annus 2200. Operare ut dictum, et cadet in secundam cellam. Est ergo secundus communis post ultimum centesimum bissextilem.<br>
<center>Annotatio.</center>
Haec Tabella locum habet usque ad novam aequationem; quae si fieret, alia huic similis construenda foret, quae inciperet ab illo centesimo, in quo aequatio facta esset.<br>
''<center>Modus terius, Per Digitos.</center>''
COlloca in primo digito annum 1700, in secundo 1800, in tertio 1900, in quarto 2000, in primo iterum 2100, in secundo 2200, et sic porro, donec pervenias ad annum propositum. Qui si cadat in primum, aut secundum, aut tertium digitum, est primus, aut secundus, aut tertius communis; si in quartum, est bissextilis.<br>
<center>Annotatio.</center>
''Haec praxis locum habet usque ad novam aequationem; post quam, si fiat aliquando, observandum est, quod diximus de Tabella in praecedenti Annotatione.''