Editing Page:APUG 1053.djvu/65

internos oculos non violenter, aut turbine, sed tranquille,<lb/>
et simpliciter in Deum dirigas, totum te in Divini amoris<lb/>
immensum pelagus amanter immergens spes semper tecum<lb/>
habitet, te comitetur, ne unquam illam abiicias, ne ab ea<lb/>
ulla temporis occasione distraharis, sed invicto et forti animo<lb/>
in sancto labore persistas, incessanter dispersiones cordis<lb/>
tui collige, teque in summam illam bonitatem reflecte.<lb/>
Quod si huic studio diligenter assuescas, tandem fiet, ut<lb/>
Domino adiutore consuetudo haec in naturam transeat,<lb/>
ita ut non minus facilo sit Divinis intendere, quam<lb/>
vivere, vel spirare. Nullibi Deum certius, quam intra<lb/>
te invenire poteris, dummodo intra te habites, ibi enim<lb/>
semper adest, ideo coram oculis eius humiliter tanquam<lb/>
casta sponsa haec verba saepius repetes: Dominus adest,<lb/>
Dominus me intuetur: haec dicens, ita Domino intendas,<lb/>
ac si ipsam Dei essentiam coram cerneres, et nil esset<lb/>
in Mundo praeter te, et illem. Asserva te in te ipso, et exultabis,<lb/>
quia tam facile Deum intra te inveneris.<lb/>
Documentum IX. Si colloquia, et negotia obstent, quo<lb/>
minus in Deum libere, ut coepisti, tendere valeas, non ideo<lb/>
prorsus ab illo elongeris, sed fixa in eo animi affectione ita<lb/>
permanebis, ut mox confecto negotio penitus ad eum quasi<lb/>
iam ipsum sitiens confugias. Illud tamen advertendum est,<lb/>
eum, qui nudum se Domino exhibuit, et coram illo suis se<lb/>
affectionibus spoliavit, nulla dona Dei sibi arrogare, aut<lb/>
usurpare. Praeterea si is maximis, ac molestissimis saeculi<lb/>
negotiis premeretur, nil ideo mentis profectui decesceret; omnia<lb/>
enim temporalia libere sinit abire, nec in illis usu<lb/>
mentis immoratur, sed intentionis, et amoris fervore in<lb/>
Deo defigitur. Hi vero, qui in rebus, et saecularibus negotiis<lb/>
non pure Deum spectant, nec eius dilectioni interius muniti sunt,