Editing Page:APUG 1053.djvu/54

de unione nostra cum Deo; nos enim Angelici Spiritus, similes<lb/>
Deo sumus, quia videmus eum sicuti est, unus plus, unus minus,<lb/>
pro magnitudine gloriae illis concessa, uti et fit cum iustis: Non<lb/>
tamen te putare velim, eundem esse statum eorum, qui unionem<lb/>
cum Deo adepti, adhuc existant in via, et comphrehensorum: Nos<lb/>
enim sensibilium rerum notionibus non indigemus, utpote<lb/>
nostro statui incongruis, sed immediate, ineffabili, et incomprehenso<lb/>
modo per intellectum, et voluntatem ferimur in<lb/>
Deum amore nunquam finituro; Horum autem status non<lb/>
est stabilis, utpote multis casibus, variisque tentationibus expositus;<lb/>
unde et de nonnullis legeris, qui iam culmen perfectionis<lb/>
attigerunt, occulto Deo iudicio retrogressi misere<lb/>
perierunt; quae te tamen a consequendae perfectionis proposito<lb/>
dimovere non debent, sed constanter in virutum solidarum<lb/>
cultu, et exercitio progrediendum; et quemadmodum<lb/>
intimae connexionis adhaesio altissimum in ascetica disciplina<lb/>
locum obtinet, ita quoque per longos labores, spinas,<lb/>
cruces, tribulationes, contrarietates, luctus et certamina<lb/>
ad illum ascenditur, iuxta illud; omnes qui vivere volunt<lb/>
in Christo IESU, persecutionem patientur. Fili, vis accedere<lb/>
ad servitutem Dei, praepara te ad tentationem; Solet<lb/>
enim Divina Bontias, amicos sibi servos, antequam eos introducat<lb/>
in arcana thalami sui penetralia, multiplici tentationum<lb/>
proelio, tanquam aurum in fornace probare<lb/>
acerbissimisque tribulationum Crucibus onustos exercere,<lb/>
ut perfecta Corporis et animi mortificatione, omni voluntate<lb/>
propria repudiata in Divinae voluntatis beneplacito,<lb/>
sibi ipsis mortui, soli Christo, unico, aeterno et infinito<lb/>
Bono conformati vivant. Qui itaque Divini muneris gratia<lb/>
eo pervenere, illi haud dubie, illi inquam, iam aeternae felicitatis<lb/>
arrham adepti dici possunt.<lb/>
''Theodidactus.'' Bene omnia, O mi Cosmiel, explicas. Scias tamen,