Page:APUG 1053.djvu/55

unum me capere non posse, et est illa omnimoda ab omnibus
sensibilium rerum speciebus denudatio: Cum enim homo ex
corpore et animo compositus, corporeisque sensuum organis ad
operandum, constat, non video, quomodo homo sine illis vivere
possit; cadere haec non videntur in hominem, sed in spiritum
similem tibi. Porro non video, quomodo huiusmodi dono ditatus
cum hominibus conversari possit; quomodo honorem, et gloriam
Dei sine sensuum tam exteriorum, quam interiorum ministerio
promovere possit; quomodo necessario nutrimento,
negata gustus, saporis, tactus facultate, ali et nutriri queat,
cum hic non hominis, sed Animae a corpore separatae, iure
dici possit.
Cosmiel. Video bene, te verborum meorum supra adductorum
sensum non intellexisse; quando enim dixi, hominem perfectam
unionem cum Deo adeptum, quantum quidem in hac mortali
vita homini convenit, denudatum esse debere ab omnibus
sensibilibus speciebus et imaginibus, hoc non impedit, quominus
sensibus, sed bene ordinatis utatur, non impedit nutrimentum
ex naturae necessitate debitum; minime impedit
actionum extrinsecarum exercitia, dummodo in Dei amore
semper fundata sint, et cum introversione mentali in Deum
erecta; Ratio autem in promptu est; quia mens humana vario
sollicitudinum aestu distracta non intrat in se per memoriam
phantasmatis innumerabilibus obumbrata, non redit ad
se per intellectum, concupiscentiis illecta, ad se, et intra se,
minime ob transitorium delectabilium rerum intuitam, reverti
potest, per desiderium suavitatis internae, et laetitiae
spiritualis, quae tanquam unita Deo, omnia huius mudi mundi
delectabilia inexplicabili excessu superat: Nosti enim, amorem
gustum et delectationem in rebus sensibilibus fundatam, cum
Divino amore, haud secus ac aqua cum igne, consistere
minime posse: Si enim amaveris terrena, et transitoria,
recedet a te Divinus amor; si vero per amorem unitivum Deo

◅▻