Page:Romani Collegii Societatis Jesu Musaeum Celeberrimum 1678.pdf/9

From GATE
This page has been validated


MUSAEUM COLLEGII ROMANI SOCIETATIS JESU.

PARS PRIMA.
CAPUT PRIMUM.
Compendium quo Musaei Romani Descriptio, rerumque praecipuarum series exponitur.

OStium plenum majestatis cancellis hinc atque inde tum affabrè excisis, tum intus promotorum benevolentia ectypis condecoratum splendescit, quae Alexandri VII. Clementis IX. et Clementis X. P.O.M. inter Obeliscorum coronam ejusdem Sanctiss. Pontificis pro tempore regnantis effigiem sacris symbolis appositè exprimunt. Atque inter ornatissimam aram pretiosis artis et naturae curiositatibus exornatam ingredientium oculis se sistunt, cujus tergum organum omnis generis avium concentum imitans, ac sonoro Aeyptiorum tintinnabulorum clangore tripudians, atque mechanico motu,et automato tympano instructum advenis festivè alludit.
Ad dexteram latus Bibliothecium solius authoris operibus refertum conspicitur, inter quae Authoris manuscripta Avicennae Latina, Hebraica, Arabica interpretatio: una cum libro simplicium, in quo rariores, de quibus Avicenna agit, herbarum species ad vivum naturae exemplar expressae videntur. Fulciunt haec diversae artis combinatoriae cistulae, in quibus Musurgica, Arithmetica, Geometrica nova inventa, Authoris nec dum comperta ingenii sui rarae, sed clarae tesserae ad curiosorum exercitium continentur.
Ad sinistrum latyus pulpitum versatile 12 Romanorum Imperatorum copiosis numismatibus pretiosum, et arte singulari conspicuum, tapete ex Indica palea texto coopertum. Quod sequitur lapidariae artis, et sculptoriae refertissima mensa, cui Salvatoris Christi effigies inter florum corymbos plena majestate, et juvenili gracilitate, Guidorenei penicilli autographum, in admirationem et venerationem advenas rapit. Cui supponuntur sculptoriae artis specimina, à celeberrimo Architecto, et Sculptore, Bernino Equite, in lusu pueri cicadae capiendae elaborata.
Ad fenestram unde spacium hoc lucem capit, quae undique raris ac variis picturis conspicua, sympathicae materiae species, soli authori nota, aquae subere fulta innatans, horoscopium, lucis dominum sequi visitur; magnum naturae opus.
Hucusque intra vestibula introductus curiosus advena, jam totius Musaei seriem (in classes totidem capitibus deducta artis et naturae arcana) recensebo. Quae hinc inde pro situs angustia eleganti varietate permixta reperiuntur, quarum seriem ideo compendiosè ingero, ut vel praeviâ lectione edoctus prius intelligat quàm videat, aut si videre prius contigerit, facilius reminiscentiae aut ruminationis fructum capere possit.
Quemadmodum vero omne bonum desuper et à patre luminum dimanat, ita quoque eo aut naturali instinctu, aut divino attractu omnes mortalium animi trahuntur. Hinc Authoris