DElineabo in primo Horologium per Tangentes; deinde inscribam eidem arcus Signorum Zodiaci , etiam per Tangentes. Praxin monstrabo supposita altitudine poli graduum 48. Eadem aute, est ratio in quacunque poli altitudine. Agam de solis Astronomicus, seu Horarum a meridie et media nocte.
Horologium Horizontale per Tangentes. Vid.Iconis.XLI.
I. IN plano Horologii futuri duc rectam AB utcunque pro linea Meridiana , seu horae duodecimae. In ea elige ad libitum punctum C pro loco styli recti,perpendiculariter plano Horologii infigendi; et ad eandam excita perpendicularem CD stylo futuro aequalem. Tanto autem majus aut minus evadet Horologium, quanto major aut minor erit recta CD.
II. Duc in plano quocunque rectam EF indeterminatae longitudinis; et in ea accipe quotlibet partes aequales rectae CD, cujusmodi sunt EG, Gh, hi, iK, Kl, lm etc. Harum primam partem EG, beneficio trianguli aequilateris §.2. Capitis 16.constructi, in decem aequales particulas partire, quarum quaelibet censeatur subdivisa in alias decem.
III. Ope hujus lineae divisae construe Triangulum gnomonicum oer Tangentes,eo modo,quem docuimus §.4. citati Capitis. Videlicet accipe beneficio circini Tangentem complementi altitudins poli 48 graduum, quae in Tabula Tangentium tradita ?.4. citato Annotat. 2. est partium 900, reducta vero ad partes decimas aequales partibus styli, est partium 9; eamque transfer ex C loco styli in Meridianam sursum usque ad H punctum; quod erit
