indiget Tangentibus quotcunque horarum ac semihorarum ante sextam matutinam, accipiat Tangentes aequaliter distantium horarum ac semihorarum post sextam matutinam; et qui quotcunque horarum Tangentibus indiget post sextam vespertinam, accipiat Tangentes aequaliter distantium ac semihorarum ante illam sextam.
Triangulum Gnomonicum per Tangentes constituere.
UT Horologia Horizontalia et Verticalia per Tangentes describamus pro data loci latitudine, seu poli in loco illo elevatione; indigemus, ut vidimus in praecedentibus, triangulo quodam rectanculo constructo supra Meridianae lineae portionem comprehensam inter Horologii centrum et lineam aequinoctialem, cujus angulus ad centrum in Horizontali quidem sit aequalis angulo elevationis poli, tertius denique,qui styli recti apicem terminat, rectus: at in Verticali angulus ad centrum sit aequalis angulo altitudinis Aequatoris,angulus ad aequinoctialem aequalis angulo altitudinis poli, terrius denique rectus. Hoc Triangolum vocamus Gnomonicum; et quomodo universaliter sit per Tangentes construendum, docemus. Fit autem ut sequitur.
I. Supra rectam AB lubitae longitudinis , erige perpendiculariter rectam CD, aequalem stylo recto futuri Horologii,eamque divide in 1000, aut 10 aequales partes. Et haec sit loco radii seu Sinus totius.
II. Pro Horologio Horizontali accipe in partibus stuli Tangentem complementi elevationis poli, seu Tangentem elevationis Aequatoris, loci illius pro quo Horologium construis,
