Page:Organum mathematicum libris IX. explicatum (1668).djvu/58

From GATE
This page has been proofread

suae, Culminat nunc ibidem TUO, INVICTISSIME CAESAR, totiusque Imperii Christiani bono; & cum STELLA fuerit etiam in hoc mundo militaris, haud dubie Christiadum armis, quae modo cum Sacri Romani Imperii Principibus adversus Sacri Romani Imperii Principibus adversus vim Turcarum apparas, cum universa coeli militia favebit. Favebit, ne dubita, & ut olim Stellae manentes in ordine & cursu suo adversus Sisaram pugnaverunt, ita hac STELLA Duce Coelestes Exercitus bellum Lunae movebunt; TU, SACRATISSIME IMPERATOR, Venies, Videbis, & Vinces. Haec ego infelix Astronomus, si non ut futura praedico, at certe, ut fiant, ex animo voveo; cui TU, CAESAR AUGUSTISSIME, quando iam cum STELLA mea bonae quoque Fortunae mihi Domus occubuit, saltem munificentiae TUAE Solem occidere non patieris; imo beneficis me clementissime dignaberis influxibus, qui SERENISSIMI SIDERIS mei benevolos aspectus amisi.

SACRAE CAESAREAE MAJESTATIS TUAE
humillimus Capellanus & subjectissimum cliens
GODEFRIDUS ALOYSIUS KINNER.