Page:Organum mathematicum libris IX. explicatum (1668).djvu/57

obtutus. Praebuisti ei, LEOPOLDE CAESAR, TE Solem, dum et lumine recreasti Cesareae Majestatic, et beneficis Fraternae munificentiae Influxibus fovisti. Occubuit nuper adversùs omnes Astronomiae Naturaeque leges sub ipsum noctis poene medium haec STELLA MATUTINA, ut sine prodigio vix eius videri possit occasus; quem & de novo Cometa sparsus rumor, & observata Graecii, a nullo tamen Astronomorum in his partibus praedicta Solis Eclipsis (illustriorum dicam an obscuriorem?) fecit. Tristissimi certe eventus omen erit olim in Mundi fine Stellarum de coelo casus; & grande quid minari videtur mundo DEUS, dum per Prophetam horrendum intonat: Nigrescere faciam Stellas. Quanquam hanc STELLAE nostrae disparitionem non casum è coelo, sed occasum dunt axat Heliacum vocare nos oporteat, dum illa mortalibus oculis invisibilis sub Aeterni Solis inaccessibili splendore solito magis illuminata delitescit. Mutavit illa nempe Coelum, nescio an valetudinis causâ, quâ semper hic utebatur adversâ; transcentit ex Aërea in Empyream regionem, è terra peregrina in Patriam, è Domo Austria super Astra, è mansione terrena in Domum Aeternitatis

◅▻