21 Martii, ac proinde Epacta seu * congruat diei 15 ejusdem Martii, et Epacta 1 diei 12 Aprilis, cujus diei 13 iterum congruit Epacta seu *, et diei 14 Epacta 29 etc. Ex his patet Ratio Regulae. Nam jubetur Epacta vetus subtrahi ex 30, ut habeantur dies interjecti inter 15 Martii,et diem,cui adscripta est Epacta. Jubentur addi 14 residuo, si fuerit 7 , aut plus quam 7 , ut habeantur dies a Calendir MArtii uaque ad diem, cui adscripta est Epacta. Semper autem residuum est 7 , aut plus quam 7, a die 21 Martii usque ad diem 12 Aprilis, seu 43 a Calendis Martii. A die 13 Aprilis deinceps residuum semper est minus quam 7; et tunc addi debent 44 , aut 43 , ut habeantur dies a Calendis Martii.
Pascha et Festa mobilia invenire.
TRibus modis Pascha cum Festis mobilibus ab ipso dependentibus, aliisque in titulo comprehensis , inveniri possunt pro utroque Calendario , primo ex Calendario Ecclesiastico veteri et novo , secundo per Tabulam , tertio per Digitorum articulos. Duos priores tantum tradam , omisso tertio, quoniam intricatissimus est, et innumeris pene cautelis ac limitationuibus indiget.
A Termino Paschali, seu a Luna XIV in Calendario inventa, descende usque ad proximam litteram Dominicalem, et incides in diem Paschae. Quod si termino Paschali littera Dominicalis adscripta sit, descendendum est usque ad proxime sequentem.
EXEMPLUM I. proCalendario veteri. Anno 1666 Aureus numerus est 14 , affixus diei 30 Martii , ac proinde terminus Paschalis, seu Luna XIV , est dies 12 Aprilis: littera Dominicalis ejusdem anni est G, affixa diei 15 Aprilis. Ergo Pascha cadit dicto anno in diem 15 Aprilis.
