20 quinquies, sit, ut articulus et numerus quintus valeat 100, decimus 200, decimus quintus 300, et ut percursis omnibus primus iterum valeat 400. Itaque si articulo et numero primo attribuantur 1600, articulus quintus valet 1700, decimus 1800, decimus quintus 1900, et rursus percursis omnibus primus valeat 2000. Rursus post 2000 attributa articulo et numero primo, cuilibet sequentium attribui possunt 400, ideoque secundus articulus valebit 2400, tertius 2800, quartus 3200, quintus 3600, sextus 4000 etc. Vides, qualia compendia secum afferat haec numerorum in manu dispositio? Sed adhuc faciliora subjicio.
VIdimus et ostendimus, singulis novendecim articulis seu sedibus digitorum manus attribui posse non solum unum annum, sed etiam 200, et 400, et 1600. Diximus praeterea in Regula I, anno proxime praecedente Nativitatem Christi Aureum numerum fuisse 1, anno vero primo Christi fuisse 2, secundo 3 etc. Possunt itaque Aurei numeri et anni Christi ita disponi in digitorum articulis, ut initium sumant a primo anno Christi, et durent in perpetuum, si nimirum numeri inscribantur, ut in Figura 5. hic postia apparet, et volae manus inscribatur unitas, addenda Aureo numero ex manu invento.
Itaque si primus annus Christi tribuatur articulo et numero primo, et addatur 1, erit Aureus numerus primo anno Christi 2; eadem de causa anno Christi secundo Aureus numerus erit 3, anno tertio 4, quarto 5, etc. anno vero decimo nono Christi Aureus numerus erit 20, et sic deinceps semper Aureus numerus superabit annum Christi datum unitate.
Causa, cur articulo et numero primo pollicis tribuantur 20, secundo 40, tertio 60, quarto 80, quinto 100 etc. patet ex dictis paulo ante, nempe quia, quando percursis novendecim articulis ac numeris reditur ad primum, hic jam valet 20; et si post
