Metiri altitudines inacceßibiles ope Quadrati Geometricis stabilis.
QUando ad basin altitudines verticalis, quae mensuranda est, accedi non potest, propter fossam interjectam, aut propter aliud quodcunque impedimentum, institui debent duae operationes in duabus stationibus, ut primo inveniatur distantia ab altitudine mensuranda, deinde media distantia ipsa altitudo. Quae duae operationes dum fiunt in duabus stationibus Quadrato vel stabili, vel pendulo, aut in utraque statione cadit Regula dioptrica vel filum in latus seu umbram Quadrati rectam, aut in utraque in versam,aut in una statione in rectam, in altera in versam. Singulos casus explicabimus, a primo inchiantes.
Vide Iconismi XX. Fig. II.
Sit igitur mensuranda turris G F, ad Quam ad a usque ad F accedi non potest, propter fossam aut impedimentum aliud inter a et F interjectum. Primo. Fiat prima statio in a, et, collocato Quadrato stabili, ut Figura II. monstrat, dirigatur Regula dioptrica in cacumen G, ac notentur partes inter b et I, quas abscindit Regula, et sint v. g. quinque. Secundo. Transferatur Quadratum et collocetur in A, ut figura eadem monstrat; dirigaturque iterum Regula dioptrica in cacumen G, ac notentur partes inter B et C interjectae,et sint v. g. decem. Tertio. Mensuretur in pedibus intervallum inter duas stationes A et a, et sint v. g. pedes 25. Numerentur item partes inter I et C interjectae; quae in casu posito sint quinque. Quarto. His factis, instituatur operatio per Regulam Trium,sicento: Ut I C 5, videlicet differentia umbrarum rectarumm ad A a 25, differentiam videlicet stationum, ita B C 10, umbra videlicet major sice remotioris stationis, ad A ; et prodibit A F pedum 50. Quinto. Habito intervallo A F, dic: ut C B 10, ad B A 10, ita A F 50, ad F G. Invenies F G esse pedum 50.
I. Eadem in omnibus operationibus,in quibus abscinditur umbra
