Si cadat perpendiculum in latus rectum seu umbram rectam B C Quadrati penduli,signum est umbram realem ab altitudine F G projectam, esse minorem ipsa altitudine, uti ex dictis ac demonstratis cap. 4. constat. Quam autem proportionem habeat umbra com altitudine, disces ex facie anteriore Tabellae primae Geometricae. Nam si filum perpendiculi abscindat partes 2 lateris recti B C; umbra est sextuplo minor quam altitudo: si abscindat partes 3, umbra est quadruplo minor quam altitudo etc.prout in dictae Tabellae primae facie anteriore apparet. Itaque si numerum pedum aut palmorum umbrae inventum sextuplices, quadruplices, triplices etc. habebis altitudinem in pedibus, palmis, ulnis etc. prout umbram dimensus fueris pedibus, palmis, ulnis etc.
Si filum perpendiculi cadat in angulum C Quadrati penduli, seu abscindat partes 12. lateris tam recti B C, quam versi DC; umbra est aequalis altitudini, sicuti aequale est latus rectum lateri verso Quadrati. Quare habito numero pedum, palmorum, ulnarum etc. umbrae, habebis altitudinem in pedibus, palmis, ulnis etc.
Si perpendiculum cadat in latus versum seu umbram versam DC Quadrati penduli, signum est umbram realem ad altitudine F G projectam, esse majorem ipsa altitudine, uti ex dictis ae demonstratis cap.4 constat. Quam autem proportionem habeat umbra cum altitudine , disces ex facie posteriore Tabellae primae
