In hoc casu Summa reperitur vel naturali judicio, vel ex Tabula Pythagorica, vel per regulam Pigri.
Tabula Pythagorica.
Fiat Tabula divisa in quadratula, et numeri inscribantur, ut vides. Vocatur Pythagorica ab auctore Pythagora, ut putatur. Extendi potest in infinitum tam deorsum, quam versus dexteram; et tunc servire posset non solum pro primo, sed etiam pro secundo et tertio casu.
Usus hujus Tabulae hic est. Quaere in laterali columna sinistra Multiplicandum, in verticali Multiplicatorem,(vel e contratio;) et ab illo perge recta dextrorsum, ab hoc deorsum: in communi quadratulo concursus invenies Summam quaesitam.
EXEMPLUM. Sint multiplicanda 8 per 4: quaeere 8 in latere sinistro, 4 in vertice: ab 8 perge dextrorsum, a 4 deorsum, in quadratulo concursus invenies 32.
Eandem Summam invenies, si ab 8 versus dexteram progrediaris usque ad quartum quadratulum, aut a 4 deorsum numeres octo quadratula.
