Y. 2116
Z. 2049 1x1
A. 0067
Dic: 9 a 16, remanent 7: item, 4 a 10, remanent 6: item, 0 a 0, remanet 0: item 2 a 2, remanet 0.
Examen Subtractionis sit Primo per Additionem. Si enim residuum ex subtractione addas numero illi, qui subtractus fuit, et resultet numerus ille, a quo fuit facta subtractio; certum est, operationem fuisse bonam, eo quod tunc partes simul sumptae sint aequales suo toti.
Secundo per abjectionem novenarii. Si enim abjicias novem quoties potes, primo ex solo numero superiore, a quo facta est subtractio, deinde ex duobus reliquis simul, et invenias residua aequalia; probabile est, operatione, fuisse bonam.
Tertio per aliam Subtractionem. Si enim residuum subtrahas a numero superiore, a quo fuit facta subtractio, et remaneat numerus aequalis subtracto; rite peracta fuit Subtractio.
Primus Modus examinandi Subtractionem exprimitur sequentibis versibus.
Tabula pro Subtractione.
Pro Subtractione inservire potest eadem Tabula, quam Capite praecedenti pro Additione construximus: si enim in latere sinistro quaeras numerum subtrahendum, sive minorem, et dextrorsum pergas in eadem serie, donec invenias numerum majorem, a quo fieri debet Subtractio; ascendendo recta ab hoc numero usque ad verticalem columnam, invenies in ea residuum. Idem invenies in columna laterali dextera.
