Page:Organum mathematicum libris IX. explicatum (1668).djvu/1080

Primo. In palimpsesto, aut in charta aliqua, forma pentagramma quatuor Vocum, Cantus, Alti, Tenoris, et Bassi, quorum intervalla seu spatia inter lineas interjecta sint prorsus aequalia intervallis seu spatiis inter lineas Baculorum interjectis, prout factum vides supra in Libello §. 3. in schemate , cui titulus Exemplum Melothesiae ope Baculorum, et iterum in seauenti scehmate palimpsesti. Et hoc est omnino necessarium, si operatio institui debeat,ut Auctor Organi praecipit.Potest tamen aliter quoque ita insitui,ut id necessarium non sit,ut infra dicetur.
Secundo. Principio quatuor pentagrammorum dicta ratione efformatorum vel applica Baculum Applicatorium Clavium, vel unicuique pentagrammo inscribe suam competentem scalam Clavium, uti factum vides in eodem Exemplo paulo ant e citato, et in sequenti palimpsesto.
Tertio. Aggredere actualem compositionem reliquarum Vocum praeter Bassum, tali pacto. Quoniam in prima nota Bassi est in spatio C in Bassi pentagrammo,accipe Baculum C,eumque colloca supra pentagramma palimpsesti ita, ut spatium et punctum C Baculi congruat spatio, cui inscripta est prima nota Bassi in palimpsesto. Quo facto, omnes reliquae lineae et reliqua spatia Baculi congruere exacte reliquis lineis et spatiis pentagrammorum palimpsesti, uti apparet in sequenti schemate palimpsesti, si cogitetur scalam Clavium esse Baculum applicatorium, et primam columnam perpendicularem punctorum harmonicorum, signatam in calce littera C, esse Baculum C. Vide ergo, in quas lineas aut spatia incidant in pentagrammis Tenoris, Alti, et Cantus puncta in Baculo signata; et in uno reliquarum trium Vocum pentagrammo imprime punctum cum numero 3 , in alio punctum cum numero 5, in tertio punctum cum numero 3, in alio punctum cum numero 5, in tertio punctum cim numero 8; et habebis tres perfectissimas cosonantias primae notae Bassi superstructas, proutapparet in prima columna C palimpsessti sequentis.
His factis, perge ad secundam notam Bassi: quae cum sit in spatio A sui pentagrammi, accipe Baculum A, eumque applica pentagrammis palimpsesti ita, ut nota A Baculi congruat spatio A pentagrammi Bassi in palimpsesto, et consequenter omnes reliquae

◅▻