Page:Organum mathematicum libris IX. explicatum (1668).djvu/1006

intervalla musica comprehenderet. Harum quinque linearum schema neoterici Musici vocant Pentaden linearum,seu Pentagrammum, it supra videmus ex Auctore Organi. Eodem nomine nos in sequentibus utemur.
Secundo. Pro vocum signis, quibus antea usi fuerunt, substituit sex hysce syllabas, Ut, Re, Mi, Fa, Sol, La; a quarum prima Ut, per reliquas ascensus fieret a voce gravissima ad acutussimam, et ab ultima, La, per easdem descensus ad acutissima ad gravissimam. Desumptis has syllabas ex prima Hymni de S. Joanne Baptista stropha illa: Ac duabus quidem syllabis, Mi, Fa, vel, Fa, Mi, semitonium exprimit, reliquis inter se proximis tonos.
Tertio. Retinuit semptem litteras Alphabeti a S. Gregorio Magno antea pro vocum signis usitatas, easque in lineis et spatiis sui Pentagrammi disposuit, ut postes videbimus. Sedes vero earum in lineis vocavit Claves, quoniam aditum aperiunt ad cantum inchoandum,dum indicant,an nota prima sit Ut,aut Re,aut Mi,etc. Cognita qutem prima nota, cognoscuntur reliquae.
Quarto. Has litteras, et praedictas syllabas, in ordinem, tanquam in scalam quandam ad Graecam olim chordarum dispositionem, redegit, ductis in plano multis lineis inter se parallelis, scalae formam referentibus, ut sequitur.

◅▻