Page:EBC 1620 06 18 2255.pdf/2

From GATE
This page has been proofread


et oblivisci, suorum clientum et filiorum catalogo ascribat et soli ta et antiqua sui amoris benevolentia prosequatur. Maximum, ut gemino ab ovo exordiar, a quindecim annis, munus nobis Dei providentia contulit, quando statim post SS. Pauli V in cathedra S. Petri hodie sedentis electionem (cum Celso tunc generali procuratore coram tribus cardinalibus decertabamus) Ill. D.V. protectoris Coelestinorum onus aggredi et amplecti videro concessit, Nam tum nobis subjectionis familiaritatis et amicitiae vestrae conquirendae semina Christus subministravit; quae cum salutationis et obedientiae exhibendae causa terrae mandassemus, ingentem non multo post gallicanae Coelestinorum provinciae messem gaudiorum et virtutum attulerunt. Cum enim ad provincialatus apicem erecti - et omnium patrum calculis promoti -, sub tanto onere succumbere vereremur, laeto animo litteras Ill. D.V. accepimus et legimus, quibus non tantum nostro defungi offitio, sed et reformationi provinciae, quam in multis et praecipuis defecisse se scire dicebat, invigilare sedulo et adamussim praecipiebatur. Cumque jussu Ill. D.V. duo noviciatus in urbibus Parisiensi et Avenionensi erexissem et totidem collegia philosophiae instituissem variasque reformationis exactae leges ante neglectas promulgassem, Illa mirum in modum laetata est, et animum ad meliora suis litteris exequenda addidit. Coelestinis autem tumultuantibus, reformationem expungere tentantibus, et coram senatoribus supremis litigare compellentibus, Nuncio Apostolico ut suppetias ferret et auxiliaretur Sanctitatis suae nomine et mandato Ill. D.V. scripsit. Cum etiam statim postea contra jus omne vi et violentia carceri mancipatus essem, Ill. D.V. nostros reformatos Avenionenses protegere prudenter et sedulo refor mationis et innocentiae nostrae negotia procuravit, et nos tandem e manibus adversariorum eripuit libertatique reddidit. Verum cum libertate nostra stupefarti et conterriti causa decidere certiores essent adversarii, vellentque hoc omen avertere, et judicem dictum Celsum a nobis justis de causis recusatum petiissent, Ill. D.V. nescio quo sug gerente omnia utcumque credere et eorum partes sequi visa est, Celsumque
---page break---