Page:EBC 1607 12 03 0717.pdf/3

Angamalensi episcopatui restitueret; non enim solum mala impedirentur, sed et multa et innumera bona inde prodirent: nimirum horum fidelium in S.Romanae ecclesiae obsequio et regis patrocinio firmitas, facilior dioecesis administratio, ad infidelium regulorum animos reprimendos et conciliandos robur et vires, ad ethnicos hos omnes ad fidem alliciendos Lusitanorum favor et opera. Quare Ampl.is V.ae Ill.mae partes erunt ut pro hac unione vel restitutione efficienza pro viribus laboret; insula enim Ceilani vastissima et ora Piscaria Cochinensi episcopatui satis superque sunt.
Aliud malum, quod in Domini vinea laborantes multum impedii molestiaque afficit, est divi Francisci religiosorum et ab illis educatorum quorundam elericorum impunita licentia. Omnia hi audent: episcoporum iurisdictionem usurpant perturbantque, ab episcopis censuris ecclesiasticis castigatos fovent, Pontificie privilegia parvi pendant, diplomata Apostolica nihili faciunt, conservatores apostolicos ludibrio habent, inter haereticos inaudita impune perpetrant, episcopis quibusdam resistere non valemtibus,quibusdam nolentibus vel non curantibus, aliis etiam annuentibus. Onde opportunum remedium ad tantam pestem coercendam, vos sacrosanctae ecclesiae ecclesiae lumina providete virum probum et sapientem, auri mini me cupidum, industrium, apostolica regiaque simul authoritate munitum, personarum minime acceptatorem, nullius ordinis religiosum a S.o Pontifice destinandum curate. Archiepiscopus Goanus ad huiusmodi munus adspirat, sed yir est valde meticulosus, non valens perrumpere iniquitatem sed solum in Societatis lesu patres audax, utpote rebus nostris parum favens: unde si legati vel nuncii officium adeptus fuerit, solum in patres nostros vires suas exercebit. Quare in hoc negotio apertos oculos erectasque aures Amplitudo V. Ill.ma habeat oportet, ne rex a Summo Pontifice id extorqueat. Plura circa haec ex patrie procuratorie ore percipere licebit.
Anno praeterito, cum sacerdotem quondam Cochinensi episcopo
---page break---

◅▻