Page:EBC 1606 08 23 0589.pdf/1

Reverendiss. et Ill.me Princeps, Cardinalis amplissime. Pax Christi.
Foecundum ac liberale gaudium est, opportunus, in praesenti filiorum necessitate, matris occursus. Exposui nuper per Ill. C.V. Sedi Apostolica, duorum insignium virorum, animarum curam in locis ab avita religione alienis agentium, libros sectariorum legendi necessitatem, annuii per Amplitudinem V. votis supplicantium providentissimus Pater, cuius paterna et benedictione et gratia, vel iam effectum, ut futuri uberis fructus flores, in Christiane grege sese laeta fronte ostentent. Par omnino, aut etiam maior aliorum duorum cum sit necessitas, non vereor, pari aut etiam maiori ausu ac libertate, eam Amplitudini Vestrae humiliter proponere.
Alter horum est, Iacobus Hackerus SS. Theologiae doctor, eiusdemque in pervetusta archiducali academia Friburgi Brisgoviae,professor ordinarius, vir exquisitae et consummatae prorsus eruditionis, et qui eo loci, confessione omnium, parem sane non habeat. Is duodecim retrò annis in collegio Romano sub P. Alexandre de Angelis ex universa philospphia; quadriennio post, ex tota theologia sub piae memoriae patre Mutio Alexandri Germano, positiones (quas Ill.mo Dno Octavio cardinali Paravicino inscripsit) publica et lande et loco propugnavit.
Alter est, Ioannes Alberti bonus similiter philospphus et theologus, in scholis nostris Herbipoli et Ingolstadii annos amplius decem excultus. Praefuit hic undecim prope annis oppido Merspurgensi (residet hic ordinarie episcopus Constantiensis) fructu sane longe maiori, quam a quoquam seculari sacerdote, vel expectari vel sperari unquam potuisset: populum initio susceptae parochiae admodum languidum, indefesso labore ad eam pietatem traduxit, qua concionibus matutinis, quibus valet egregie, qua pomeridiana rudium catechistica institutione, ut ex mille ducentis plus minus animabus quas curat, nec unam se habere existimet, quae non quater in anno
---page break---

▻