Page:EBC 1605 12 17 0525.pdf/2

in monte Busso, pleni bonae spei, ipsi sibi praesagiunt; accurrunt ad templum proque salute filii bovem munus offerunt: loquelam dicto citius eamque perfectam puero impetrant. Interea coeca denuoardentes bovis cupiditate, certa eum pecunia redimunt mactantque. Reddita vox antea puero, eidem confestim adimitur. Offertur bos alius, quo vix oblato, (incredibile videri posset, nisi factum esset) adempta vox puero, defixis stupore qui aderant universis, perfectè restituitur. Porro vox una est omnium, coementa, ligna et id genus alia ad construendum templum in pago Offingen (locus est in ipso pede montis situs) iam congesta quarta vice divinitus in montem Bussum, nullius omnino hominis adminiculo, translata. Haec, Amplissime Cardinaiis, Dei Deique matris in suam aedem amoris testificatio, haec populi, in medio licet nationis haereticae positi, in eandem constans ac perapetua devotio, quam quia auctam et novo foenore multiplicatam Ill.ma Celsitudo V.ra (ausim iurare) desiderat, humillime per me petit praedictus Amplitudinis Tuae et Nostri filius et alumnus Laurentius Rebman, ut ad magnae matris honorem, piorum spirituale solatium, addo etiam circumstrepentis turbae haereticae confusionem. Ill.ma Celsitudo V.ra , pro paterno suo in afflictas oviculas amore, aliquas dictae nobilissimae ecclesiae indulgentiis a SS.mo D.no Nostro Paulo V clementer impetrare (confessis tamen et communicatis istic) non gravetur, plenarias quidem pro omnibus beatissimae Dei genitricis solennitatibus totius anni, festis porro S.ti Ioannis Baptistae nati et decollati, aliquas deinde minus solennes quottidianas. Non deerit (omnino confidimus) Ill.ma Cels.do V.ra tam piae ac iustae suorum filiorum ardentissimae petitioni.
Hoc primum, illud alterum: Sunt in hac etiam Sueviae provincia sacerdotes parochi duo, viri insigniter pii iuxta ac solidè eruditi, ambo artium et philosophiae doctores ac ss.tae theologiae candidati, ambo S.mi D.ni N.ri in seminario olim Dilingano alumni, alter Leonhardus Gentner nomine, pastor Bibracensis; alter Bartholomaeus
---page break---

◅▻