Page:EBC 1600 08 0109.pdf/1

From GATE
This page has been proofread

Veni ad te, Cardinalis amplissime, ut te Doctorem meum,discipulus salutarem. Serius quidem. Romae enim in sacro Iubilaeo celebrando iam octavo mense haereo. Sed tamen sera gratulatio reprehendi non solet: praesertim si iustas habeat procrastinationis causaa. Verum, utut tandem est, optimis, ut spero, Iesu Christi auspiciis, mihi hodierno die apud te persolvendum est officium; quod et tua maxima in me beneficia, et in Ecclesiam Dei divina et exmimia merita, iampridem iure optimo sibi vendicarunt. Quod ego dum facio, a te, Cardinalis amplissime, maiorem in modum peto, ut me benigne attenteque audire velia.
Multi doctrina et piotate excellentes viri, Cardinalis illustrissime, ut quondam ex equo Troiano Graecorum proceres fortissimi ad delendam Troiam, ita ad Ecclesiae Dei hostes profligandos, et Iesu Christi ac Beatissimae Virginia Mariae, sanctorumque omnium gloriam illustrandam, ex tua disciplina et divina institutione prodierunt. Nam ut Regina ab Austro Hierosolymam ad audiendam Salomonis sapientiam, sic ex Italia, Hispania, Germania, Gallia, Polonia totoque fere christiano orbe selecta iuventus Romam venerat ad capessendam tuam divinam Theologiam: his temporibus, quibus Sathanas solutus nomen lesu Christi et sanctorum eius blasphemat, et innumeras Christianorum animas ad interitum sempiternum praecipitat, Ecclesiae Dei maxi me fructuosam et salutarem. Verum et mihi quoque immensa quadam Dei bonitate concessum fuit, ex eorum esse numero quibus tuae divinae sapientiae fontes patuerunt. Illi inquam fontes, vel potius rapida flumina, aut aestuantis maris rapidissimi fluctus, quibus tu, tanquam divinus Moyses, virga illa admirabili, currus Pharaonis aurigas totumque exercitum eius, hoc est Antichristi strenuos satelites, Arios, Sabellios, Photinos, Paulos Samosetanos, quos impietas hominum ab inferis revocavit, et nostri temporis Calvinum, Lutherum, Kemnici
---page break---