Page:Bellarmino-Index haereticorum.pdf/26

From GATE
This page has been proofread


f. 325v

Anno Domini



95 Seleucus et Hermias

Galatiae iisdem temporibus errores suos docuisse videntur, Philaster in Catalogo:[1]
1° Materiam, ex qua est factus mundus, esse Deo coaeternam.
1. 2. 3. 4. 5. 6. 7: Augustinus haer. 59, Philaster, ibid.[2]
2° Malum nunc esse a Deo, nunc a materia.
3° Christum non ascendisse ad patrem cum carne, sed eam exuisse et in sole posuisse.
4° Nullum esse visibilem paradisum.
5° Non esse cum aqua baptizandum.
6° Resurrectionem non futuram, sed quotidie fieri in filiorum procreatione.
7° Animas ab angelis creari de igne et spiritu.


96 Proclianitae sive Prodianitae sive Hermiatitae

discipuli fuere Seleuci et Hermiae atque ad eorum errores addiderunt:
1° Christum in carne non paruisse: Augustinus haer. 60.[3] Non futurum iudicium extremum.
1, 2: Philaster.[4]
2° Locum Ezechielis de 4 animalibus sic esse intellegendum, ut per leonem significetur rex Parthorum, per vitulum rex Aegyptiorum, per aquilam rex Romanorum, per hominem piissimorum hominum similitudo.


97 Patriciani,

a Patricio quodam Romano dicti sunt, docuerunt, ut ait Philaster.[5]
1° Carnem hominis non a Deo, sed a diabolo esse.
1, 2: Philaster, Augustinus 62 haeres.[6]
2° Carnem fugiendam et detestandam atque ideo hominum esse seipsum occidere, ut caro exterminetur.


98 Paterniani seu Venustiani

haeresin superiorem nonnihil limitarunt. Solum enim partes inferiores hominis a diabolo esse dicebant et ideo licere illis partibus omnem turpitudinem exercere: Augustinus haer. 85.[7]


99 Coluthus

Aegyptius Arianorum fautor docuit etiam, Deus non esse causam ullius mali, nec culpae nec poenas: Augustinus haer. 65, Philaster in Catal.[8]


100 Alii

quidam eodem tempore docuerunt mundum hunc post resurrectionem mansurum in eo statu, quo nunc est, nec futurum »coelum novum et terram novam«,[9] ut Scripturae docent, Augustinus haer. 67, Philaster in catalogo.[10]


101 Passalorinchitae

id est palum seu digitum naribus opponentes ut silentio studerent: Augustinus haer. 63.[11]


102 Nudis pedibus ambulantes

haeretici habiti sunt, quia nudis pedibus ambulabant non propter afflictionem carnis, sed quia sic intellegi dicebant in Exod. 3: »Solve calceamenta de pedibus tuis«,[12] et similia Iosue 5 et Isaiae 20:[13] Augustinus haer. 68.[14]


103 Cum hominibus non manducantes

dicti sunt haeretici quidam, qui putabant cum coeteris hominibus non manducandum. Qui etiam dicebant Spiritum Sanctum esse creaturam: Augustinus haer. 71, Philaster.[15]


104 Rhetorius

quidam haereticorum omnium studiosissimus, omnes haereses veras esse aiebat: Augustinus haer. 71, Philaster in catal.[16]


105 Alii

quidam asserebant, divinitatem Christi doluisse, cum eius caro in cruce figeretur: Augustinus haer. 73, Philaster.[17]
Idem quidam ex novis haereticis.


106 Alii

Trinitatem dicunt esse tres partes Dei Patrem, Filium et Spiritum sanctum, atque ideo neque Patrem in se esse personam, neque Filium, neque Spiritum sanctum: Augustinus haer. 74, Philaster.[18]


107 Alii

dicunt aquam non esse creaturam, sed Deo coaeternam: Augustinus haeres. 75, Philaster.[19]


108 Alii

dicunt imaginem Dei non esse animam, sed corpus: Augustinus haeres. 76, Philaster.[20]


109 Alii

mundos innumeros ponebant more quorundam philosophorum: Augustinus haeres. 77.[21]


110 Alii

sceleratorum animas in daemones converti et in alia animalia asserebant: Augustinus haer. 78, Philaster.[22]
_______________

  1. Filastrius Hereseon, LV, p. 28-29.
  2. Augustinus De haeresibus, LIX, p. 328; Filastrius Hereseon, LV, p. 28-29.
  3. Augustinus De haeresibus, LX, p. 328.
  4. Filastrius Hereseon, LVI, p. 29-30.
  5. Filastrius Hereseon, LXII, p. 32.
  6. Filastrius Hereseon, LXII, p. 32-33. Augustinus De haeresibus, LXI, p. 328.
  7. Augustinus De haeresibus, LXXXV, p. 338.
  8. Augustinus De haeresibus, LXV, p. 330; Filastrius Hereseon, LXXIX, p. 40-41.
  9. Is 65,17; Apc 21,1.
  10. Augustinus De haeresibus, LVII, p. 330; Filastrius Hereseon, LXXX, p. 42-43.
  11. Augustinus De haeresibus, LXIII, p. 329.
  12. Ex 3,5.
  13. Ios 5,16; Is 20,2.
  14. Augustinus De haeresibus, LXVIII, p. 330-331.
  15. Augustinus De haeresibus, LXXI, p. 334; Filastrius Hereseon, LXXXVI, p. 47.
  16. Augustinus De haeresibus, LXXII, p. 335; Filastrius Hereseon, XCI, p. 50.
  17. Augustinus De haeresibus, LXXIII, p. 335; Filastrius Hereseon, XCII, p . 51-52.
  18. Augustinus De haeresibus, LXXIV, p. 335; Filastrius Hereseon, XCIII, p. 52-54.
  19. Augustinus De haeresibus, LXXV, p. 335; Filastrius Hereseon, XCVI, p. 55-56.
  20. Augustinus De haeresibus, LXXVI, p. 335; Filastrius Hereseon, XCVII, p. 56-57.
  21. Augustinus De haeresibus, LXXVII, p. 335.
  22. Augustinus De haeresibus, LXXVIII, p. 335; Filastrius Hereseon, CXXIV, p. 89-90.