Page:Bellarmino-Index haereticorum.pdf/17

From GATE
This page has been proofread


f. 321r

Anno Domini



60[1] Rebaptizantes

248-250


in Aphrica orti sunt, Agrippino auctore, qui D. Cyprianum in episcopatu praecessit. Is enim existimavit Christianos ab haereticis baptizatos esse iterum in Ecclesia baptizandos. Ita refert D. Cyprianus in lib. ad Quirinum, D. Augustinus lib. 2 de baptismo cap. 8 et 9.[2]
Eandem sententiam postea secutus est D. Cyprianus cum Concilio SS. episcoporum supra 80 ut patet ex libro citato ad Quirinum et in libro contra epistolam Stephani et (ad?) Pompeium.[3]
Certe nec Agrippinus nec Cyprianus haeretici fuerunt, nec se ab Ecclesia separaverunt: sed postea eandem sententiam mordibus et pertinaciter Donatistae defendendam susceperunt.
Damnata est haeresis haec a Stephano Pontifice, ut ipse Cyprianus testatur ad Pompeium, necnon Eusebius lib. 7 cap. 7, et contra eam D. Augustinus scripsit lib. de baptismo contra Donatistas.[4]


61 Novatianus.

Novatus presbyter Carthaginiensis fuit, Novatianus vero presbyter Romanus < ut patet > ex Cypriano lib. 2 epist. 8, Hieronymo De viris < illustr. > in Novatianum.[5] Unde Novatiani sive »cathari« id est »mundi« temporibus D. Cypriani et Cornelii Pontificis. Exortus est quod desiderio flagraret Romani episcopatus, quem cum non posset assequi, ab Ecclesia se separavit. Et non solum haeresim condidit, sed etiam schisma fecit. Is enim primus in Ecclesia Romana schismaticus pontifex post alium pontificem canonice electum a paucis quibusdam episcopus est creatus. Ita refert Cornelius papa ad Gabianum Antiochenum, et ex eo Eusebius lib. 5 Histor. cap. 36.[6] Hunc eundem, quem Eusebius, Epiphanius, Theodoretus et caeteri Graeci Novatum, Latini vocant Novatianum.[7]
Eorum dogma fuit hoc: Eusebius lib. 6 Histor. cap. 36, Theodoretus lib. 3 Haeret. fabul.[8]
1° Non esse in Ecclesia potestatem remittendi peccata post baptismum commissa: Epiphanius haer. 59, Augustinus haer. 38, Theodoretus lib. 3 haeret. fabul.[9]
2° Non esse homines inungendos chrismate post baptismum: Theodoretus, ibid.[10]
Idem Lutherani.
3° Secundas nuptias damnandas: Augustinus et Theodoretus, ibidem.[11]
4° Rebaptizandos qui ad se ex catholicis veniunt: Cyprianus epist. ad Iubaianum.[12]
Scripsit contra hanc haeresin multas epistolas D. Cyprianus et Ambrosius 2 libros [de poenit.] et D. Dionysius Alexandrinus et alii.[13]
Nota multos decipi circa errores Novatianorum, quod putant eos docuisse non esse ullam spem remissionis post baptismum. Hoc illi non docebant: sed solum non esse in potestate Ecclesiae illos absolvere. Nam ut patet ex ipsius Novatiani epistola, cuius meminit Socrates lib. 4 cap. 28 et ex epist. 2 lib. 4 et Cypriani, maxime hortabantur Novatiani homines ad lachrimas et poenitentiam, sed eos tamen non absolvebant.[14]


62 Noetus et Sabellius

258


eius discipulus (-i?) temporibus Sixti pontificis exorti sunt: Eusebius Caesariensis lib. 7 Histor. cap. 5 et 6, Philastrius.[15]
Noetus vero tantae superbiae fuit, ut se Moysem et fratrem suum Aaronem esse diceret.
Errores eorum hi sunt:
1° Unam esse personam, nomina tria: pater, filius et Spiritus Sanctus.
1, 2: Hilarius 4 de Trinit., Epiphanius de Haeres. 57 et 62.[16]
Multi sunt hodie in Polonia Sabelliani et alibi ex Sacramentariis.
2° Inde deducebant Patrem esse incarnatum et passum. Unde Patripassiani dicti sunt. 1,2: Augustinus haer. 36 et 41, Theodoretus lib. 3 Haeret. fabul.[17]
_______________

  1. 60] Incipit alia manus.
  2. Cyprianus Epistolae, LXXI, p. 774; Augustinus De baptismo, II, 11-17, p. 186-190.
  3. Cyprianus Sententiae, p. 435-436, 461.
  4. Cyprianus Epistolae, LXXIV, 1, p. 799; Eusebius Historia Ecclesiastica, VII 2-3, p. 636-638; Augustinus De baptismo.
  5. Cyprianus Sententiae, p. 438; Epistolae, LII, 2, p. 617-619; Hieronymus De viris illustribus, LXX, p. 39.
  6. Eusebius Historia Ecclesiastica, VII 8, p. 646.
  7. Eusebius Historia Ecclesiastica, VII 8, p. 646; Epiphanius Panarion, LIX, 1, 1, p. II 263; Theodoretus Fabularum, III, 5, col. 405-408.
  8. Eusebius Historia Ecclesiastica, VII 8, p. 646; Theodoretus Fabularum, III, 5, col. 405-408.
  9. Epiphanius Panarion, LIX, 1, 5, p. II 364; Augustinus De haeresibus, XXXVIII, p. 307; Theodoretus Fabularum, III, 5, col. 405.
  10. Theodoretus Fabularum, III, 5, col. 408.
  11. Augustinus De haeresibus, XXXVIII, p. 306-307; Theodoretus Fabularum, III, 5, col. 408.
  12. Cyprianus Epistolae, LXXIII, 2, p. 779.
  13. Cyprianus Epistolae, XLIV, XLV, LII, LV, LX; Ambrosius De poenitentia; Eusebius Historia Ecclesiastica, VII, 5, 1-3, p. 638-640.
  14. Socrates Historia Ecclesiastica, IV, 28, col. 537; Cyprianus Epistolae, LV, 28, p. 646.
  15. Eusebius Historia Ecclesiastica, VII 6, p. 642; Filastrius Hereseon, LIII-LIV, p. 28.
  16. Hilarius De Trinitate, IV, 12, p. 113; Epiphanius Panarion, LVII, 2, 2; 3, 2; LXII, 1, 4, p. 345, 347, 389.
  17. Augustinus De haeresibus, XXXVI, p. 306; XLI, p. 308; Theodoretus Fabularum, III, 3, col. 404-405; II 9, col. 396.